Bakı, 13 avqust, AZƏRTAC
Yeni mövsümə hazırlıqlarını davam etdirən “LANDAU Lions” basketbol klubu heyətini Ercan Donatla gücləndirib.
Bakı təmsilçisindən AZƏRTAC-a verilən məlumata görə, Azərbaycan milli komandasına da dəvət alan 2,08 metr boya malik oyunçu mərkəz mövqeyində çıxış edir. Basketbolçunun son klubu “Şəki” olub.
Qeyd edək ki, Ercan Donatın qardaşı Saadettin Donat da “LANDAU Lions” klubunun üzvüdür.