Sağlamlıq imkanları məhdud olan uşaqlar üçün Novruz şənlikləri təşkil edilib
Ağdam, 24 mart, AZƏRTAC
Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin sosial sifarişləri ilə Ağdam və Ağcabədi rayonlarında 18 yaşınadək əlilliyi müəyyən edilmiş şəxslər üçün Novruz şənlikləri keçirilib.
AZƏRTAC-ın bölgə müxbiri xəbər verir ki, “Gələcəyə Qayğı” Regionların Sosial-İqtisadi İnkişafına Dəstək İctimai Birliyinin və "İnkişafa Doğru" Regionların Sosial-İqtisadi İnkişafına Dəstək İctimai Birliyinin təşkilatçılığı ilə keçirilən bayram tədbirində 200-dən artıq sağlamlıq imkanları məhdud uşaq və onların valideynləri iştirak edib. Kəndirbazların çıxışı, tonqal ətrafında rəqslər və rəngarəng musiqi nömrələri uşaqları şənləndirib, onlara sevincli anlar yaşadıb.
Sonda uşaqlara Novruz hədiyyələri verilib.
Qubada yaşayan dağ yəhudiləri Pesax bayramını qeyd edirlər
İmişlidə qəzada xəsarət alan əkizlərdən biri ölüb YENİLƏNİB VİDEO
Şəmkirdə minik avtomobili arakəsməyə çırpılıb, sürücü ölüb