Balakəndə rəqs müsabiqəsində 85 iştirakçı yarışıb
Balakən, 29 aprel, Mustafa Dadaşov, AZƏRTAC
Beynəlxalq Rəqs Günü münasibətilə aprelin 29-da Balakən rayon Mədəniyyət Mərkəzində “Birlikdə rəqs edək” adlı müsabiqə keçirilib. Mədəniyyət İşçiləri Həmkarlar İttifaqı Balakən rayon Komitəsinin dəstəyi ilə reallaşan müsabiqədə 3 nominasiya üzrə 85 yeniyetmə və gənc rəqs bacarığını nümayiş etdirib.
Bu barədə AZƏRTAC-ın bölgə müxbirinə Mədəniyyət Mərkəzindən məlumat verilib.
Müsabiqədə iştirak edən fərdi ifaçıların və rəqs qruplarının çıxışlarını tərkibinə xoreoqrafların da daxil olduğu münsiflər heyəti qiymətləndirib. Rəqs müsabiqəsində ilk üç yeri tutan ifaçılar kubok və diplomlarla, digər iştirakçılar isə həvəsləndirici diplomlarla mükafatlandırılıblar.
Son 10 ildə Prezidentin sərəncamları əsasında Naxçıvana 688 milyon manatdan çox vəsait ayrılıb
Lerikdə uçqun olub, Çayrud kəndinə gedən yol bağlanıb FOTO
Şəkidə “Uşaqların inkişafı – uğurlu gələcəyin təminatı” mövzusunda təlim təşkil edilib
Naxçıvanda Beynəlxalq Muzeylər Günü qeyd olunub
Dövlət Su Ehtiyatları Agentliyinin sədri Ağsuda vətəndaşlarla görüşüb