Bakı, 30 yanvar, AZƏRTAC

Azərbaycan Avtomobil Yolları Dövlət Agentliyi tərəfindən həftə ərzində (24 –30 yanvar) respublika ərazisində yol infrastrukturunun bərpası və təmiri sahəsində görülən işlər açıqlanıb.
Agentliyin İctimaiyyətlə əlaqələr şöbəsindən AZƏRTAC-a verilən məlumata əsasən, sözügedən müddətdə Giləzi-Xızı avtomobil yolunun Giləzi qəsəbəsindən keçən hissəsinin əsaslı təmiri davam edib, Pirşağı-Novxanı-Xırdalan-M4 avtomobil yolunun tikintisi bərpa olunub, Ağdam-Füzuli avtomobil yolunun inşası sürətlə davam edib.
Eyni zamanda, Şabran rayonunda 3 kilometr uzunluğa malik Təzəkənd yolunun yenidən qurulması davam etdirilib, Füzuli küçəsinin 232 metrlik hissəsində təmir işləri artıq tamamlanıb.