Beynəlxalq Xeyriyyə Günü Bakıda musiqili proqramla qeyd olunub
Bakı, 6 sentyabr, AZƏRTAC
Sentyabrın 5-də Beynəlxalq Xeyriyyə Günü münasibətilə Bakıdakı Rus Evində konsert proqramı təqdim olunub.
AZƏRTAC xəbər verir ki, tədbir M.Maqomayev adına Azərbaycan Dövlət Akademik Filarmoniyasının “Gənclərə dəstək” layihəsi çərçivəsində gerçəkləşib.
Konsertdə gənc istedadlı musiqiçilər bir araya gələrək S.Raxmaninov, N.Paqanini, İ.Brams, D.Şostakoviç, Q.Qarayev, S.Ələsgərov, C.Cahangirov, O.Zülfüqarov, H.Rzayev kimi dünya və Azərbaycan bəstəkarlarının əsərlərini səsləndirib. Konsert proqramında Azərbaycan muğamına da yer verilib. Belə ki, O.Zülfüqarovun “Mehriban insanlar” və C.Cahangirovun “Cənnətim Qarabağ” mahnıları konsertin ən yaddaqalan hissəsi olub.
Tədbirin sonunda layihə iştirakçıları və gənc musiqiçilər, eləcə də M.Maqomayev adına Azərbaycan Dövlət Akademik Filarmoniyasının direktoru, Xalq artisti, “Gənclərə dəstək” layihəsinin rəhbəri Murad Adıgözəlzadə və layihənin koordinatoru, musiqişünas Ayla Kərimova-Zəkəriyyə təşəkkürnamə ilə təltif olunublar.
Azərbaycan bəstəkarının dərsliyi Almaniyada nəşr olunub
Azərbaycanlı vokalçı beynəlxalq müsabiqədə çıxış edəcək
“Şərq musiqisinin peyğəmbəri” - Cabbar Qaryağdıoğlu haqqında videoçarx hazırlanıb