Bakı, 12 aprel, AZƏRTAC
Aprelin 16-da Beynəlxalq Muğam Mərkəzində “Qarabağ Azərbaycandır” adlı konsert proqramı təqdim olunacaq.
Mərkəzdən AZƏRTAC-a bildirilib ki, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi və Xan Şuşinski Fondunun təşkilatçılığı ilə reallaşacaq layihədə görkəmli xanəndələr, musiqi xadimləri və Dövlət Rəqs Ansamblının çıxışları nəzərdə tutulub.
Vətən müharibəsində Qələbəmizin pozitiv ruhlarına köklənən gecədə dövlət rəsmiləri, diplomatik korpus nümayəndələri iştirak edəcək.
Tədbirə giriş dəvətnamə ilədir.