Bakı, 4 may, AZƏRTAC
Bakı-Şamaxı avtomobil yolunda nəqliyyat qəzaları nəticəsində yararsız vəziyyətə düşmüş təhlükəsizlik sədləri təmir olunur.
Azərbaycan Avtomobil Yolları Dövlət Agentliyinin ictimaiyyətlə əlaqələr şöbəsindən AZƏRTAC-a bildirilib ki, gecə saatlarında isə paytaxtın Yusif Səfərov küçəsində üfüqi nişanlanma xətlərinin yenidən rənglənməsi işləri aparılacaq. İşlər saat 22:00-dan başlayaraq mayın 5-i səhər saatlarınadək davam edəcək.
Sürücülərdən həmin yollarda diqqətli olmaları xahiş olunur.