Bakı, 11 mart, AZƏRTAC

Martın 14-də “Gənclərə dəstək” layihəsi çərçivəsində növbəti konsert təqdim olunacaq.
AZƏRTAC xəbər verir ki, konsert M.Maqomayev adına Azərbaycan Dövlət Akademik Filarmoniyasında reallaşacaq.
Konsert çərçivəsində gənc ifaçı Toğrul Hüseynli tərəfindən tanınmış və klassik bəstəkarların əsərləri səsləndiriləcək.
Qeyd edək ki, “Mədəniyyət” kanalı və Azərbaycan Dövlət Akademik Filarmoniyasının birgə təşkilatçılığı ilə gerçəkləşən layihə çərçivəsində hər il mütəmadi olaraq konsert proqramları təqdim olunur.