Bakıda Avropa Günü qeyd olunub
Bakı, 7 may, AZƏRTAC
Mayın 7-də Üzeyir Hacıbəyli adına Bakı Musiqi Akademiyasının Opera studiyasında Avropa Gününə həsr edilən bayram konserti olub.
AZƏRTAC xəbər verir ki, tədbirin əvvəlində Opera studiyasının uşaq xorunun ifasında Azərbaycan Respublikasının dövlət himni səsləndirilib.
Konsertdən əvvəl çıxış edən xarici işlər nazirinin müavini Mahmud Məmmədquliyev bütün avropalıları bayram münasibətilə təbrik edib, Avropa ölkələrinə sülh və tərəqqi arzulayıb. O qeyd edib ki, Azərbaycan ilə Avropa ölkələri arasında siyasi, iqtisadi və mədəni sahələrdə sıx əməkdaşlıq mövcuddur. M.Məmmədquliyev bu əlaqələrin daha da genişlənəcəyinə əmin olduğunu bildirib.
Sonra Əməkdar Artist Fuad İbrahimovun dirijorluğu ilə “Baku Chamber Orchestra”nın ifasında V.Motsart, A.Vivaldi, Q.Qarayev, F.Bədəlbəyli və digər bəstəkarların əsərləri səsləndirilib.
Orkestrin ifası böyük maraqla qarşılanıb.
Azərbaycan bəstəkarının dərsliyi Almaniyada nəşr olunub
Azərbaycanlı vokalçı beynəlxalq müsabiqədə çıxış edəcək
“Şərq musiqisinin peyğəmbəri” - Cabbar Qaryağdıoğlu haqqında videoçarx hazırlanıb