Bakı, 28 avqust, AZƏRTAC

Düşünürəm ki, bu gün komanda Niderland kollektivinə qalib gələ bilərdi. Voleybolçular oyuna yaxşı hazırlaşmışdılar. Lakin səhvlər oldu. Oyunun nəticəsinə baxmayaraq, qızlara təşəkkür edirəm, yaxşı oynadılar. Məqsəd qrupdan çıxmaq idi, buna nail olduq.
AZƏRTAC xəbər verir ki, bunu jurnalistlərə açıqlamasında qadın voleybolçulardan ibarət Azərbaycan yığmasının baş məşqçisi Faiq Qarayev deyib.
“Mən çox istəyirdim ki, qələbə qazanaq. Həm Belçika, həm də Niderland ilə oyunda qalib gələ bilərdik. Təəssüf ki, yığmanın heyətindəki bir çox oyunçunun belə yüksəksəviyyəli yarış təcrübəsi yoxdur. Bugünkü oyunda da komanda birinci hissədə çox gözəl oynadı. Qızlar digər setlərdə də eyni üstünlüyü davam etdirə bilərdilər, lakin texniki səhvlər bizə imkan vermədi ki, qələbə qazanaq. Qalib gəlsə idik, yaxşı olardı”, - deyə F.Qarayev bildirib.