Bakı, 18 avqust, AZƏRTAC

Bakı şəhərinin Binəqədi rayonu ərazisində istifadə olunmayan tikilidə baş verən yanğın tam söndürülüb.
Bu barədə AZƏRTAC-a Fövqəladə Hallar Nazirliyinin (FHN) mətbuat xidmətindən məlumat verilib.
Bildirilib ki, FHN-in "112" qaynar telefon xəttinə Binəqədidə istifadə olunmayan tikilidə yanğın baş verməsi barədə məlumat daxil olub.
Məlumatla əlaqədar dərhal əraziyə FHN-in Xüsusi Riskli Xilasetmə və Dövlət Yanğından Mühafizə xidmətlərinin qüvvələri cəlb olunub və yanğın tam söndürülüb.