Bakı, 15 avqust, AZƏRTAC

ABŞ Ordusu Texasda baş verən faciəvi qəzadan sonra "AH-64 Apache" tipli helikopterlərin təlim uçuşlarını müvəqqəti olaraq dayandırıb.
AZƏRTAC xəbər verir ki, ordunun rəsmi bəyanatına əsasən, komandanlıq qəzanın dəqiq səbəbləri tam müəyyənləşənə qədər bütün "AH-64 Apache" helikopterlərinin uçuşlarının dayandırılması barədə göstəriş verib.
Xatırladaq ki, avqustun 12-də Texasın mərkəzi hissəsində "Apache" helikopterinin qəzaya uğraması nəticəsində göyərtədə olan hər iki heyət üzvü həyatını itirib.