Kiyev, 5 avqust, AZƏRTAC

Ukraynada Rusiya ordusunun tərəfində döyüşən 51 ölkənin vətəndaşı əsir götürülüb. Bu fakt əcnəbilərin müharibədə iştirakının miqyasını göstərir.
AZƏRTAC xəbər verir ki, bu barədə Ukrayna Ali Radanın insan hüquqları üzrə komissarı, ombudsman Dmitri Lubinets “Telegram” səhifəsində məlumat verib.
Lubinetsin Ukraynanın xaricdəki diplomatik nümayəndəliklərinin rəhbərlərinin illik görüşündə vurğuladığı mövzulardan biri də əcnəbilərin Rusiya tərəfində müharibədə iştirakı olub.
“Əlli bir ölkədən olan əcnəbilər Ukraynada rus ordusunda döyüşərkən əsir götürülüblər. Məhz buna görə Rusiya tərəfində müharibədə iştirakın real hüquqi nəticələri barədə dünya ilə dürüst və açıq danışmaq vacibdir”, - deyə o vurğulayıb.