Bakı, 4 avqust, AZƏRTAC

Respublika Təcili və Təxirəsalınmaz Tibbi Yardım Mərkəzində Bakı şəhəri üzrə yay aylarında gün ərzində təxminən 2000-3000 müraciət qeydə alınır. Çağırışlar, əsasən, arterial təzyiqin yüksəlməsi, müxtəlif növ travmalar, dispeptik əlamətlər, kardioloji və digər səbəblərlə bağlı olur.
Bu barədə AZƏRTAC-ın sorğusuna cavab olaraq Tibbi Ərazi Bölmələrini İdarəetmə Birliyinin (TƏBİB) İctimaiyyətlə əlaqələr və kommunikasiya departamentindən məlumat verilib.
Bildirilib ki, Respublika Təcili və Təxirəsalınmaz Tibbi Yardım Mərkəzinə regionlar üzrə də daxil olan çağırışlar əsasən arterial təzyiqin yüksəlməsi, müxtəlif növ travmalar, dispeptik əlamətlər, kardioloji və digər səbəblərlə bağlıdır.

_{Müxbir- Günel Türksoy}