Vaşinqton, 22 iyun, AZƏRTAC

ABŞ Dövlət katibi Marko Rubio bu həftə Yaxın Şərqə səfər edəcək.
AZƏRTAC xəbər verir ki, Rubio iyunun 23-dən 26-na qədər Birləşmiş Ərəb Əmirlikləri, Küveyt və Bəhreyndə olacaq. Səfəri zamanı Rubio İranla anlaşma memorandumu, Hörmüz boğazından tam və sərbəst təhlükəsiz tranzit təmin etmək səyləri və regionda sülh və sabitliyin əhəmiyyəti daxil olmaqla bir sıra regional prioritetləri müzakirə edəcək.
Bəhreyndə olarkən dövlət katibi bölgədə ortaq prioritetləri müzakirə etmək üçün Körfəz Əməkdaşlıq Şurasında görüş keçirəcək.