


Premyer Liqaya yüksələn komandanın yeni baş məşqçisi açıqlanıb
Bakı, 5 iyun, AZƏRTAC
Mövsümün sonunda Premyer Liqaya vəsiqə qazanan “Şəfa” komandasının yeni baş məşqçisi müəyyənləşib.
Klubdan AZƏRTAC-a verilən məlumata görə, Zaur Həşimov bu posta təyin olunub. Danışıqlar prosesi başa çatdıqdan sonra klub prezidenti Kənan Sadıqlının iştirakı ilə 44 yaşlı mütəxəssislə görüş keçirilib və 3 illik müqavilə imzalanıb.
Qeyd edək ki, Zaur Həşimov “Şəfa” klubuna yad sima deyil. O, futbolçu kimi bu komandanın formasını geyinib və 2000/2001-ci illər mövsümündə Azərbaycan Kubokunun qalibi olub.
Mütəxəssis “Qəbələ” və “Zirə” klublarında məşqçi kimi çalışıb. Eyni zamanda, Bakı təmsilçisinin baş məşqçisi vəzifəsində fəaliyyət göstərib. Həmçinin Azərbaycanın U-18 milli komandasına rəhbərlik edib.
Yoldaşlıq oyunu: Azərbaycan millisi Maltaya uduzub
Azərbaycanın 3x3 basketbol millisi Dünya Kubokunun 1/4 finalına yüksəlib
Kapitan: Estoniya yığması ilə oyunda meydana qələbə üçün çıxmalıyıq
Millinin minifutbolçusu: Avropa çempionatında minimum hədəfimiz finala yüksəlmək idi
Vitse-prezident: Çempionluq hazırlıqlara çox ciddi yanaşmağımızın nəticəsidir VİDEO