Bakı, 5 iyun, AZƏRTAC
Bu gün qadın futbolçulardan ibarət Azərbaycan millisi dünya çempionatının seçmə mərhələsində növbəti görüşünə çıxacaq.
AZƏRTAC xəbər verir ki, C Liqasının 3-cü qrupunda yer alan yığma Macarıstanı qəbul edəcək. Mehdi Hüseynzadə adına Sumqayıt şəhər stadionunda təşkil olunacaq qarşılaşma saat 18:00-da başlayacaq.
Komanda bunadək Andorranı (3:1 2:0) və Şimali Makedoniyanı (2:0) məğlub edib, səfərdə isə Macarıstana uduzub – 0:1.
Azərbaycan millisi 4 oyundan sonra 9 xalla qrupda ikinci pillədə qərarlaşıb. Macarıstan yığması isə 10 xalla turnir cədvəlinə başçılıq edir.