“Araz-Naxçıvan”ın futzalçısı: 15 ildən sonra qazanılan kubok çox dəyərlidir
Bakı, 8 may, AZƏRTAC
“Ölkə kubokunun qalibi olduğumuza görə çox xoşbəxtəm”.
Bu sözləri AZƏRTAC-a açıqlamasında “Araz-Naxçıvan”ın futzalçısı Amadeu Fernandes Azərbaycan Kubokunu qazanmaları barədə danışarkən deyib.
Azərbaycan millisinin də formasını geyinən oyunçu 15 ildən sonra qazanılan kubokun dəyərli olduğunu bildirib: “Gözəl hisslər yaşayırıq. Ölkə çempionluğunun ardından kubokun da sahibi olduq. Mövsümü “qızıl dubl”la bitirmək fantastikdir. Komandamla qürur duyuram. Çəkdiyimiz əziyyətin bəhrəsini mövsümün sonunda gördük. ”Araz-Naxçıvan” hər zaman zirvələrdə olmağa layiqdir”.
33 yaşlı futzalçı gələcək hədəflərindən də söz açıb: “Növbəti mövsüm Çempionlar Liqasında mübarizə aparacağıq. Bu turnirdə daha da irəli getmək, Azərbaycanı beynəlxalq arenada ən yaxşı şəkildə təmsil etmək istəyirik. Komandama güvənirəm”.
Qeyd edək ki, “Araz-Naxçıvan” ölkə kubokunun finalında “Baku Fire” komandasını üstələyib.
İspaniya La Liqası: “Barselona” qalib gəlib, “Real Madrid” xal itirib
"Fənərbağça" səfərdə "Qalatasaray"ı məğlub edib
Azərbaycan Basketbol Liqası: "Sabah" final seriyasının ikinci oyununda "Xəzri"yə qalib gəlib
"Mançester Siti" İngiltərə çempionu olub
Qızıl Avropa Liqası: Azərbaycan voleybol millisi ikinci dəfə məğlub olub