×
A
A
A
Sazlamalar

"Fənərbağça" səfərdə "Qalatasaray"ı məğlub edib

Bakı, 19 may, AZƏRTAC

Türkiyə Superliqasında XXXVII tura yekun vurulub.
AZƏRTAC xəbər verir ki, turun mərkəzi oyununda lider "Qalatasaray" doğma meydanda "Fənərbağça"nı qəbul edib. Görüş qonaqların minimal hesablı qələbəsi ilə başa çatıb. Yeganə qolu 71-ci dəqiqədə Çağlar Söyüncü vurub.
"Fənərbağça" 21-ci dəqiqədə meydanda azlıqda qalıb. Aleksander Ciku ikinci sarı vərəqə ilə meydandan qovulub.
İkinci pillədə yer alan "Fənərbağça" bu qələbə ilə xallarını 96-ya çatdırıb. 99 xalı olan "Qalatasaray" isə ilk sırada qərarlaşıb.
Qeyd edək ki, Superliqada çempionluğun taleyinə son turda aydınlıq gələcək.

İdman 2024-05-19 22:19:00