Paşinyan: İrəvanın sərhədlərin delimitasiyasından imtinası yeni eskalasiyaya gətirib çıxaracaq
Bakı, 18 aprel, AZƏRTAC
Ermənistanın Azərbaycanla sərhədlərin delimitasiyası və demarkasiyasından imtinası Cənubi Qafqazda yeni eskalasiyaya gətirib çıxaracaq.
AZƏRTAC xəbər verir ki, bunu Ermənistanın baş naziri Nikol Paşinyan Azərbaycanla sərhəddə yerləşən Tavuş vilayətinin Kirants kəndinin sakinləri ilə görüşündə deyib.
“Əgər biz delimitasiya və demarkasiyadan imtina etsək, bölgədə daha bir partlayış baş verəcək”, - deyə o bildirib. Baş nazir, həmçinin delimitasiya prosesinin də özündə risklər daşıdığını vurğulayıb.
Hazırda Ermənistan hakimiyyəti Tavuş vilayətində sərhədlərin delimitasiyası prosesinin mümkünlüyü barədə Azərbaycanla danışıqlar aparır. Bu, baş tutarsa, 1990-cı illərdən Ermənistanın işğalı altında olan dörd kənd Bakıya qaytarılmalıdır. Nəticədə Rusiyadan Ermənistana gedən qaz kəməri, eləcə də Ermənistan-Gürcüstan avtomobil yolunun magistralın bir hissəsi Azərbaycanın nəzarətinə keçəcək.
Türkiyədə İŞİD-lə əlaqədə şübhəli bilinən daha 41 nəfər saxlanılıb
Süni intellekt sayəsində antibiotik istifadəsi keçmişdə qala bilər
Çində magistral yolun çökməsi nəticəsində 19 nəfər ölüb - YENİLƏNİB
ABŞ-da avtobusla qatarın toqquşması nəticəsində 55 nəfər xəsarət alıb
Fransada Olimpiadanın təşkili ilə bağlı məlumatlar olan daha bir noutbuk oğurlanıb