Bakı, 17 avqust, AZƏRTAC

Avqustun 24-dək Türkiyənin aparıcı operatoru “Türk Telekom”un təşkilatçılığı ilə 30 gənc üçün kibertəhlükəsizliyin müxtəlif istiqamətləri üzrə təlimlər keçiriləcək.
AZƏRTAC xəbər verir ki, təlimlərdə iştirak edən 10 nəfər Azərbaycanı təmsil edən gənclərdir. Onların arasından 6 gənc Azərbaycan Kibertəhlükəsizlik Mərkəzinin (AKM) tələbələridir. Gənclərdən 5-i ilk AKM məzunları, 1-i isə hazırda təhsil alan tələbədir.
“Azercell Telecom LLC”nin təşkilatçılığı və dəstəyi ilə düşərgədə iştirak etmək hüququ qazanan bütün tələbələrə təlimlərin yekununda sertifikatlar təqdim olunacaq.