Tərtərdə taxıl biçini başa çatıb - məhsuldarlıq ötən illə müqayisədə yüksəkdir
Tərtər, 8 avqust, AZƏRTAC
Tərtər rayonunun fermerləri və torpaq mülkiyyətçiləri taxıl biçinini başa çatdırıblar.
Rayon Statistika İdarəsinin rəisi Ədalət Məmmədov AZƏRTAC-ın bölgə müxbirinə bildirib ki, 8929,9 hektar taxıl sahəsindən 38 min 907,7 ton məhsul əldə edilib. Məhsulun 23 min 258,6 tonu buğda, 15 min 649,1 tonu arpadır. Hər hektar taxıl sahəsindən orta məhsuldarlıq 43,6 sentner olub. Buğda sahələrində orta məhsuldarlıq 44,3 sentner, arpa zəmilərində isə 42,5 sentner təşkil edib. Ötən illə müqayisədə buğdanın məhsuldarlığı 0,7 sentner, arpanın məhsuldarlığı 4 sentner artıb. Hazırda biçilmiş taxıl sahələrində 1858 hektar şum aparılıb.
Qeyd edək ki, 2023-cü ilin məhsulu üçün Tərtər rayonunda 8929,9 hektar sahədə taxıl becərilib. Onun 5245,2 hektarı buğda, 3684,7 hektarı dən üçün arpadır.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb