Dövlət qurumlarının nümayəndələri üçün elektron hökumət və rəqəmsal transformasiyaya dair təlim keçirilib
Bakı, 2 avqust, AZƏRTAC
İnnovasiya və Rəqəmsal İnkişaf Agentliyi (İRİA) tərəfindən dövlət qurumlarının nümayəndələri üçün elektron hökumət və rəqəmsal transformasiya üzrə estoniyalı mütəxəssis Siim Sikkut tərəfindən “Vətəndaş mərkəzli xidmətlərdə əsas tendensiyalar” mövzusunda təlim keçirilib.
Agentlikdən AZƏRTAC-a bildirilib ki, təlim səmərəli və istifadəçi mərkəzli elektron idarəetmə ekosisteminin inkişafını şərtləndirən əsas mövzuları əhatə edib. Estoniyalı mütəxəssis vətəndaş mərkəzli xidmətlər konsepsiyasını ətraflı müzakirə edərək bu xidmətlərin hazırda necə tətbiq edildiyindən və gələcək perspektivlərindən bəhs edib.
Belə ki, təqdimatın əsas hissəsi elektron hökumət tətbiqlərində istifadəçi təcrübəsi, xidmətlərin fərqli rəqəmsal kanallar vasitəsilə əlçatanlığı, istifadəçi təcrübəsindən qaynaqlanan data əsaslı qərarvermə mexanizmləri kimi mövzuları əhatə edib. Siim Sikkut müasir istifadəçi təcrübəsinin böyük miqyasda mobil ortamda qərarlaşdığını və bu səbəbdən elektron xidmətlərin məhz mobil tətbiqlər vasitəsilə effektiv təmin edilməsinin vacibliyini xüsusilə qeyd edib.
Təlimin növbəti hissəsində Siim Sikkut Estoniyanın elektron hökumət həlləri ilə bağlı təcrübəsi haqqında iştirakçıların suallarını cavablandırıb.
“Azərkosmos” gələn il fevralda keçiriləcək “Beynəlxalq Kosmik Konvensiya 2024”də iştirak edəcək
Ölkənin informasiya təhlükəsizliyi və kibertəhlükəsizliyə dair Strategiyası təsdiq olunub - SƏRƏNCAM
Azərbaycan “Digitalisation and Channel Awards 2023” mükafatlandırılma mərasimində təmsil olunacaq
“Google” şirkətinin Bakı konfransına 1000-dən çox müraciət qeydə alınıb