Azərbaycanın internet şəbəkəsində yükləmə sürətinin göstəriciləri açıqlanıb
Bakı, 28 iyul, AZƏRTAC
Cari ilin iyununda Azərbaycanda mobil və genişzolaqlı internet üzərindən yükləmənin orta göstəriciləri müvafiq olaraq 40,39 və 29,47 (1,13 faiz artım) Mbit/san olub.
AZƏRTAC “Ookla”nın məlumatlarına istinadla xəbər verir ki, Azərbaycan genişzolaqlı şəbəkədə verilənlərin ötürülmə sürətinə görə 180 ölkə arasında 116-cı yerdə olmaqla mövqeyini qoruyub saxlayıb.
İyunda mobil şəbəkə üzərindən məlumatların yüklənmə göstəricisi əvvəlki ayla müqayisədə 0,58 Mbit/san azalıb. Mobil şəbəkə üzərindən internetin çıxış sürəti 11,25 Mbit/san olub ki, bu da may ayının göstəricisindən (11,58 Mbit/san) 2,85 faiz aşağıdır. Sabit genişzolaqlı internet üzərindən verilənlərin yüklənmə sürəti may ayının göstəricisi ilə müqayisədə 0,33 Mbit/san artıb, çıxış sürəti isə 0,03 Mbit/san azalaraq 29,73 Mbit/san olub.
Qeyd edək ki, dünyada qeyd olunan dövrdə mobil şəbəkə üzərindən giriş və çıxış yükləmələrinin orta sürəti müvafiq olaraq 42,92 və 10,21 Mbit/san olub.
Məlumata əsasən, dünyada ən sürətli mobil internet 200,24 Mbit/san olmaqla Birləşmiş Ərəb Əmirliklərində (BƏƏ), ən zəif internet isə 2,38 Mbit/san olmaqla Sudanda qeydə alınıb.
“Azərkosmos” gələn il fevralda keçiriləcək “Beynəlxalq Kosmik Konvensiya 2024”də iştirak edəcək
Ölkənin informasiya təhlükəsizliyi və kibertəhlükəsizliyə dair Strategiyası təsdiq olunub - SƏRƏNCAM
Azərbaycan “Digitalisation and Channel Awards 2023” mükafatlandırılma mərasimində təmsil olunacaq
“Google” şirkətinin Bakı konfransına 1000-dən çox müraciət qeydə alınıb