“Azərkosmos”: Bolqarıstanın Sofiya şəhərində tələbələr üçün xüsusi təlim proqramı keçiriləcək
Bakı, 19 iyul, AZƏRTAC
Avqustun 7-dən sentyabrın 12-dək Bolqarıstanın Sofiya şəhərində tələbələr üçün xüsusi təlim proqramı keçiriləcək.
AZƏRTAC xəbər verir ki, bu barədə Azərbaycan Respublikasının Kosmik Agentliyi “Azərkosmos” məlumat yayıb.
Qeyd olunub ki, bu təlimdə tələbələr kosmik sahə üzrə xüsusi biliklərə yiyələnib aparıcı mütəxəssislər ilə fikir mübadiləsi aparmaq şansı əldə edəcəklər. İştirak bütün tələbələr üçün ödənişsiz əsaslar ilə təmin olunur, yerlər isə məhduddur.
Bolqarıstanın aerokosmik istehsalçısı EnduroSat dəstəyi və “Space Challenges Program 2023” təşkilatçılığı ilə keçirilən təlim proqramına qeydiyyat iyulun 20-dək davam edəcək. Bu link vasitəsilə qeydiyyatdan keçmək olar: https://bit.ly/bootcamp-.
“Azərkosmos” gələn il fevralda keçiriləcək “Beynəlxalq Kosmik Konvensiya 2024”də iştirak edəcək
Ölkənin informasiya təhlükəsizliyi və kibertəhlükəsizliyə dair Strategiyası təsdiq olunub - SƏRƏNCAM
Azərbaycan “Digitalisation and Channel Awards 2023” mükafatlandırılma mərasimində təmsil olunacaq
“Google” şirkətinin Bakı konfransına 1000-dən çox müraciət qeydə alınıb