Azərbaycan İqtisadi Əməkdaşlıq Təşkilatına üzv ölkələrin İKT üzrə məsul nazirlərinin 3-cü görüşündə təmsil olunub
Bakı, 14 iyul, AZƏRTAC
İranın Tehran şəhərində İqtisadi Əməkdaşlıq Təşkilatına (İƏT) üzv ölkələrin informasiya və kommunikasiya texnologiyaları (İKT) üzrə məsul nazirlərinin 3-cü görüşü keçirilib.
Rəqəmsal İnkişaf və Nəqliyyat Nazirliyindən AZƏRTAC-a bildirilib ki, görüşdə üzv dövlətlərdə sahə ilə bağlı tənzimləmə siyasətinin optimallaşdırılmasının, qanunvericilik və İKT üzrə çoxtərəfli müstəvidə əməkdaşlıq əlaqələrinin daha da intensivləşdirilməsinin inkişafı ilə bağlı bir sıra məsələlər müzakirə edilib.
Tədbirdə iştirak edən rəqəmsal inkişaf və nəqliyyat nazirinin müavini Samir Məmmədov ölkəmizdə kibertəhlükəsizlik, telekommunikasiya, peyk xidmətləri, eləcə də “Onlayn Azərbaycan” layihəsi çərçivəsində GPON (Gigabit Passive Optical Networks) texnologiyası ilə müasir genişzolaqlı şəbəkənin qurulması istiqamətində görülən işlər barədə iştirakçılara məlumat verib.
Görüşün sonunda birgə Tehran Bəyannaməsi qəbul edilib.
Qeyd edək ki, 1992-ci il noyabrın 28-də 7 ölkə – Azərbaycan, Əfqanıstan, Qazaxıstan, Qırğızıstan, Özbəkistan, Tacikistan və Türkmənistan İƏT-ə qoşulub. Hazırda təşkilatin 10 üzv ölkəsi var.
“Azərkosmos” gələn il fevralda keçiriləcək “Beynəlxalq Kosmik Konvensiya 2024”də iştirak edəcək
Ölkənin informasiya təhlükəsizliyi və kibertəhlükəsizliyə dair Strategiyası təsdiq olunub - SƏRƏNCAM
Azərbaycan “Digitalisation and Channel Awards 2023” mükafatlandırılma mərasimində təmsil olunacaq
“Google” şirkətinin Bakı konfransına 1000-dən çox müraciət qeydə alınıb