Bərdə: arpa sahələrində məhsuldarlıq 41,7, buğda zəmilərində isə 45,7 sentnerdir
Bərdə, 10 iyul, AZƏRTAC
Bərdə rayonunda taxıl biçininin vaxtında və itkisiz başa çatdırılması üçün bütün qüvvələr səfərbər olunub.
Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, bu ilin məhsulu üçün 17 min 482 hektar sahədə taxıl əkilib. Onun 13 min 193 hektarı buğda, 4289 hektarı dən üçün arpadır. Bərdə taxılçıları bu günədək 15 min 539 hektar sahədə biçin aparıb, 69 min 297 ton məhsul əldə ediblər. Hər hektardan orta məhsuldarlıq 44,6 sentnerdir.
Artıq rayonda arpa biçini yekunlaşıb. Sahələrdən 17 min 885 ton məhsul toplanıb. Arpa üzrə orta məhsuldarlıq 41,7 sentnerdir. Bərdəli fermerlər buğda zəmilərinin də 11 min 250 hektarında biçin aparıb, 51 min 412 ton məhsul əldə ediblər. Hər hektarın məhsuldarlığı 45,7 sentner təşkil edir.
Hazırda rayonda buğda biçini davam edir.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb