Paytaxtda “Bakı İnvestisiya Günü” keçiriləcək
Bakı, 5 iyul, AZƏRTAC
İyulun 6-7-də Bakıda regionun əsas investisiya və startap tədbiri olan “Bakı İnvestisiya Günü” (“Baku ID”) keçiriləcək.
İnnovasiya və Rəqəmsal İnkişaf Agentliyindən (İRİA) AZƏRTAC-a bildirilib ki, tədbirdə regionun ən yaxşı startap layihələri ilə yanaşı, beynəlxalq startaplar, investorlar, partnyorlar, icma üzvləri - bir sözlə, innovasiya şəbəkəsinin bütün üzvləri iştirak edəcək.
Həmçinin tədbirdə İRİA-nın sədr əvəzi İnarə Vəliyeva “Gələcək ekosistemin inşası üçün proqramlar və hökumət dəstəyi”; beynəlxalq biznesin inkişafı üzrə rəhbər Loukas Tzitzis - “Çətinlikdən zirvəyə: şəxsi çətinlikləri dayanıqlılığa çevirmək”; məsləhətçi İqor Ovçarenko: “Tükənmişlikdən balansa doğru: yüksək stresli karyeralarda möhkəm qalmağın sirri” panellərində çıxış edəcəklər.
Tədbirdə eyni zamanda İRİA stendi də yer alacaq və burada iştirakçılara Agentliyin təqdim etdiyi layihələr, proqramlar və təşəbbüslər barədə ətraflı məlumat veriləcək.
“Azərkosmos” gələn il fevralda keçiriləcək “Beynəlxalq Kosmik Konvensiya 2024”də iştirak edəcək
Ölkənin informasiya təhlükəsizliyi və kibertəhlükəsizliyə dair Strategiyası təsdiq olunub - SƏRƏNCAM
Azərbaycan “Digitalisation and Channel Awards 2023” mükafatlandırılma mərasimində təmsil olunacaq
“Google” şirkətinin Bakı konfransına 1000-dən çox müraciət qeydə alınıb