Ağcabədi, 5 iyul, AZƏRTAC

Ağcabədi rayonunun Taxtakörpü ərazisində məskunlaşan laçınlı keçmiş məcburi köçkünlər taxıl biçinini başa çatdırıblar.
Laçın Rayon Statistika İdarəsindən AZƏRTAC-ın bölgə müxbirinə bildirilib ki, cari ilin məhsulu üçün Taxtakörpü ərazisində 588 hektar sahədə taxıl becərilib. Taxıl əkinlərinin 516 hektarı arpa, 72 hektarı buğdadır. Laçınlı fermerlər sahələrdən 1123 ton məhsul, o cümlədən 987 ton arpa, 116 ton buğda əldə ediblər.
Yaxın günlərdə işğaldan azad edilmiş Laçın rayonu ərazisində becərilən zəmilərdə də taxıl biçininə başlanılacaq.