Bakı, 23 iyun, AZƏRTAC

“Ericsson” şirkətinin Azərbaycan və Avrasiya üzrə CTO Networks rəhbəri Anatoli İliyaiç Azərbaycan Kibertəhlükəsizlik Mərkəzinin (AKM) tələbələri üçün təşkil olunmuş təlimdə iştirak edib.
Mərkəzdən AZƏRTAC-a bildirilib ki, təlim çərçivəsində tələbələrə telekommunikasiya sahəsinin, xüsusilə də 5G təhlükəsizliyinin təmin olunması barədə ətraflı məlumat verilib.
Daha sonra tələbələrlə sual-cavab sessiyası təşkil edilib.
Qeyd edək ki, “Ericsson” şirkəti Azərbaycan əhalisinin 90 faizdən çoxunu mobil şəbəkə ilə təmin edir.