ÜST: Dünyada COVID-19 səbəbindən ölüm hallarının sayı dörd həftə ərzində 58 faiz azalıb
Bakı, 23 iyun, AZƏRTAC
Dünyada mayın 22-dən iyunun 18-dək koronavirus infeksiyasına 1,2 milyondan çox insan yoluxub, 7,1 mindən artıq insan ölüb. Ölüm hallarının sayı ötən 28 gün ilə müqayisədə 58 faiz, yoluxma hallarının sayı isə 48 faiz azalıb. AZƏRTAC xəbər verir ki, bu barədə Ümumdünya Səhiyyə Təşkilatının (ÜST) bülletenində deyilir.
ÜST-yə əsasən dünyada dörd həftə ərzində 1 210 687 yoluxma halı və 7 168 ölüm halı qeydə alınıb. Bu dövr üzrə ən çox - 363 382 yoluxma halı Koreya Respublikasında aşkar edilib. Daha sonra Avstraliya (135 144), Braziliya (85 987), Fransa (71 197) və Sinqapur (54 581) yer alıblar. Braziliyada mayın 22-dən iyunun 18-dək ən çox - 978 ölüm halı qeydə alınıb. Daha sonrakı yerlərdə İspaniya (729), Rusiya (526), Avstraliya (496) və İtaliya (420) qərarlaşıb.
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar