Bakı, 23 iyun, AZƏRTAC

Təşəbbüskar sahibkarları, investorları və startap təsisçilərini bir araya gətirən “LTC Angels Network” klubuna qeydiyyat başlayıbı.
AZƏRTAC xəbər verir ki, Azərbaycan İnnovasiya və Rəqəmsal İnkişaf Agentliyinin dəstəyi ilə yaradılan “LTC Angels Network” klubu erkən mərhələlərdə uğur qazanmış və hazırda qloballaşmağı hədəfləyən iddialı, yüksək potensiallı startaplar üçün yeni maliyyə imkanlarını təmin edir.
Beləliklə, startap təsisçiləri kluba üzv olan investorlar tərəfindən 5 min ABŞ dolları ilə 50 min ABŞ dolları arasında investisiya şansı əldə edəcək. Qeydiyyat üçün link: startup.lotfizadeh.az/angels-network.