Lənkəranda buğda və arpa biçininə başlanılıb
Lənkəran, 23 iyun, İlkin Adıyev, AZƏRTAC
Lənkəranda buğda və arpa biçininə start verilib.
AZƏRTAC-ın bölgə müxbiri xəbər verir ki, Lənkəran rayonunda cari ildə 758,2 hektar sahədə buğda, 70,6 hektar sahədə isə arpa əkini həyata keçirilib. Ötən ilin eyni dövrü ilə müqayisədə bu göstərici 255,1 hektar buğda, 31,9 hektar arpa daha çox əkilib.
Hazırda Lənkəran rayonunda dənli bitkilərin biçininə də başlanılıb.
Bu il də kənd və qəsəbələrdə biçin prosesi növbəlilik əsasında həyata keçirilir. Növbəliliyin yaradılmasına inzibati ərazi dairəsi üzrə nümayəndəliklər və bələdiyyələr tərəfindən dəstək göstərilir, biçinə və növbəlilik sisteminə nəzarətin təmin olunmasını isə Dövlət Aqrar İnkişaf Mərkəzi həyata keçirir.
Qeyd edək ki, bu il ölkə ərazisində 1 058 398,9 hektar sahədə taxıl əkilib. Bunun 658 383,7 hektarı buğda, 400 015,2 hektarı isə arpa sahəsidir.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb