Mütəxəssis: Küləkli hava xroniki ağciyər xəstələri üçün daha təhlükəli vəziyyət yarada bilər
Bakı, 19 iyun, AZƏRTAC
Havanın kəskin dəyişməsi insan orqanizminə olduqca mənfi təsir göstərir. Xüsusilə, küləkli havalar xroniki ağciyər xəstələri üçün daha təhlükəli vəziyyət yarada bilər.
Bunu AZƏRTAC-a açıqlamasında Səhiyyə Nazirliyinin mütəxəssis-eksperti, terapevt Zakir Quliyev deyib. O qeyd edib ki, ürək-damar sistemi, xroniki ağciyər xəstəlikləri, bronxial astma, endikrinoloji problemlər, şəkərli diabet, hipertoniya kimi xəstəliklərdən əziyyət çəkən insanlara dəyişkən hava şəraiti daha ciddi təsir edə bilər.
Terapevt bu dövrlərdə xroniki xəstələrin mütəmadi olaraq dərmanlarını qəbul etmələrini tövsiyə edib: “Əgər, ağırlaşmalar müşahidə olunarsa, mütəxəssislə məsləhətləşmək lazımdır. Həkimlər bu kimi vəziyyətlərdə, adətən, dərmanların miqdarında dəyişiklik edir. Xüsusilə, küləkli havalarda çölə çıxmaq məsləhət görülmür”.
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar