Zaqatalada yaş barama istehsalının 31 tona çatdırılması hədəflənir
Zaqatala, 26 aprel, Mustafa Dadaşov, AZƏRTAC
Builki mövsümdə Zaqatala rayonunda yaş barama istehsalının ötən illə müqayisədə 8 ton artırılaraq, 31 tona çatdırılması proqnozlaşdırılır. Əvvəlki illərdə olduğu kimi, bu il də kümçülərə paylanılan ipəkqurduları rayonun özündə inkubasiya olunub.
AZƏRTAC-ın bölgə müxbiri xəbər verir ki, Kənd Təsərrüfatı Nazirliyi tərəfindən Çin Xalq Respublikasından alınaraq ölkəmizə gətirilən ipəkqurdu toxumunun 760 qutusu aprelin 14-də Zaqatala rayonundakı yaş barama qəbulu və qurutma məntəqəsində inkubasiyaya qoyulub. Toxumların inkubasiya müddəti aprelin 26-da başa çatıb və əldə olunan ipəkqurdunun bölgü əsasında rayonun kümçülərinə paylanılmasına başlanılıb. Barama istehsalçılarına ipəkqurdunun paylanılması prosesi iki gün müddətində başa çatdırılacaq.
Məntəqədən verilən məlumata görə, builki mövsümdə rayonda 200-dən çox kümçü ipəkqurdunun yemlənməsi ilə məşğul olacaq.
Xatırladaq ki, ötənilki mövsümdə rayonda 23 tona yaxın yaş barama istehsal edilib.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb