Bakı, 15 mart, AZƏRTAC

“IBM”in məhsulu olan “Instana”da kritik boşluq (CVE-2023-27290) aşkar edilib.
Elektron Təhlükəsizlik Xidmətindən AZƏRTAC-a bildirilib ki, boşluğun müvəffəqiyyətlə istismarı məlumat bazasına şəbəkə girişi olan kiberdələduza oxumaq və ya yazmaq imtiyazları əldə etməyə imkan verir.
Bu boşluq “Instana” “239-0 - 239-2”, “241-0- 241-2”, “243-0”a qədər olan “IBM Observability” versiyalarında aşkarlanıb.
Qeyd olunub ki, təsirə məruz qalan versiyaların istifadəçi və administratorlarına dərhal ən son versiya ilə yenilənməsi tövsiyə edilir.