Qaxda 400 hektardan çox sahədə tütün əkini proqnozlaşdırılır
Qax, 17 fevral, Mustafa Dadaşov, AZƏRTAC
Builki mövsümdə Qax rayonunun təsərrüfatlarında 406 hektar sahədə tütün əkini proqnozlaşdırılır. Qaxlı fermerlər cari təsərrüfat ilində 380 hektar sahədə “Virciniya botaniki”, 26 hektarda isə digər növ tütün yetişdirəcəklər. Tütün əkini ilə əlaqədar indiyədək 34 fermerlə müqavilə bağlanılıb və hazırda proses davam etdirilir. Bağlanılan müqavilələr üzrə tütün əkiləcək sahələr hələlik 249,7 hektar təşkil edir.
Bu barədə AZƏRTAC-ın bölgə müxbirinə Qax Dövlət Aqrar İnkişaf Mərkəzinin bitkiçilik sektorunun müdiri Eyvaz Aslanov məlumat verib.
Qurum rəsmisi bildirib ki, hazırda əhaliyə məxsus təsərrüfatlarda tütün şitillərinin yetişdirilməsi üçün istehsalçılar tərəfindən sadə istixanaların hazırlanmasına başlanılıb. Fermerlərin tütün şitillərinə olan tələbatının tam şəkildə ödənilməsi üçün cari mövsümdə təsərrüfatlarda 6 min kvadratmetr sahədə istixanaların hazırlanması nəzərdə tutulur. İstixanalarda artıq toxum səpininə start verilib. Yetişdiriləcək tütün şitilləri hava şəraitindən asılı olaraq martın ikinci yarısı - aprelin əvvəllərində sahələrə köçürüləcək.
Xatırladaq ki, qaxlı fermerlər ötənilki mövsümdə 373,3 hektar sahədən 408 ton quru tütün əldə ediblər.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb