Bakı, 15 dekabr, AZƏRTAC

“Aztelekom” MMC özəl internet provayderlərindən Antiinhisar və İstehlak Bazarına Nəzarət Dövlət Xidmətinə daxil olmuş şikayətləri əsassız sayır.
MMC-dən AZƏRTAC-a bildirilib ki, “Aztelekom” tərəfindən müvafiq məlumatlar Dövlət Xidmətinə təqdim olunub.
“Aztelekom” bəyan edib ki, görülən işlər ölkədə rabitə xidmətlərinin keyfiyyətinin artırılmasına, 2024-cü ilin sonuna qədər bütün ölkə ərazisinin GPON və digər genişzolaqlı texnologiyalar əsasında sürətli internetlə təmin olunmasına, bütövlükdə cəmiyyətin rəqəmsal inkişafına hesablanıb.