Bakı, 29 noyabr, AZƏRTAC

İlin sonuna kimi İKT sahəsində mövcud qanunvericiliyə dəyişiklik etməklə startaplar və bu sahədə çalışan şirkətlər üçün çox vacib addımlar atılacaq.
AZƏRTAC xəbər verir ki, bu sözləri rəqəmsal inkişaf və nəqliyyat naziri Rəşad Nəbiyev “Caucasus Ventures” Vençur Fondunun təqdimatı mərasimində deyib.
O bildirib ki, sosial müdafiə ödənişlərinə, gəlir vergisinə, dividend vergisinə və digər vergilərə münasibətdə vacib sənədlər toplusu hazırlanır: “Biz əminik ki, bu dəyişiklik bazara və ekosistemin inkişafına öz töhfəsini vermiş olacaq”.