İsmayıllı, 27 noyabr, AZƏRTAC
İsmayıllıda rayon Gənclər və İdman İdarəsinin, Mədəniyyət işçiləri həmkarlar ittifaqı rayon komitəsinin və Azərbaycan Qol Güləşi Federasiyasının İsmayıllı nümayəndəliyinin birgə təşkilatçılığı ilə 12 dekabr - ümummilli lider Heydər Əliyevin anım gününə həsr olunan Qol güləşi üzrə rayon birinciliyi keçirilib.
AZƏRTAC-ın bölgə müxbiri xəbər verir ki, tədbir İsmayıllıdakı Heydər Əliyev adına parkda təşkil olunub. Yarışlar başlamazdan öncə çıxışlarda görkəmli dövlət və siyasi xadim Ümummilli Lider Heydər Əliyevin Azərbaycan idmanının inkişafındakı xidmətlərindən söz açılıb.
Sonra yarışlara start verilib. Altmışa yaxın iştirakçının yer aldığı rayon birinciliyində yüksək nəticə əldə edənlərə təşkilatçılar tərəfindən diplom və medallar verilib.