Son bir ildə Şəkidə 125 hektarda yeni meyvə bağları salınıb
Şəki, 5 avqust, Mustafa Dadaşov, AZƏRTAC
Şəki rayonunun meyvə bağlarında məhsul yığımı davam edir. İndiyədək bağlardan 5 min 885,9 ton məhsul tədarük olunub. Yığılan meyvələr arasında ərik, albalı, şaftalı, alça, gilas, gavalı və giləmeyvələr üstünlük təşkil edir. Yaxın günlərdə fındıq yığımına da başlanılacaq.
Bu barədə AZƏRTAC-ın bölgə müxbirinə Şəki Şəhər Statistika İdarəsindən məlumat verilib.
Bildirilib ki, hazırda Şəki rayonunda meyvə bağları və giləmeyvəliklərin ümumi sahəsi 7 min 383 hektardır. Bağların 4 min hektara yaxını barverən yaşdadır. Ötən ilin payız aylarında və bu ilin yaz mövsümündə rayon ərazisində 125 hektar sahədə yeni meyvə bağları salınıb. Yeni bağlara fındıq, xurma və gilas ağacları əkilib.
İdarədən verilən məlumata görə, hazırda rayonda 307 hektar üzüm bağı var. İndiyədək bağlardan 238 tonadək məhsul yığılıb.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb