Afrikada keçirilən beynəlxalq idman oyunları “Azerspace-1” peyki üzərindən yayımlanır
Bakı, 20 iyul, AZƏRTAC
Azərkosmos əməkdaşlıq etdiyi qlobal media yayım şirkətləri ilə birgə Afrika regionundakı beynəlxalq idman oyunlarını “Azerspace-1” peyki üzərindən yayımlayır.
Qurumdan AZƏRTAC-a bildirilib ki, cari ilin birinci yarısında Afrika regionuna daxil olan ölkələrdə keçirilən Beynəlxalq Otüstü Xokkey Federasiyasının (FIH) kişi xokkeyi üzrə yarışları, “Afrika Basketbol Liqası”, “Bundesliqa”, Beynəlxalq Futbol Federasiyaları Assosiasiyası (FİFA) və “La Liqa”nın oyunlarının ən maraqlı anları Afrika, eləcə də digər qitələrdəki milyonlarla televiziya tamaşaçısına “Azerspace-1” peyki vasitəsilə yüksək keyfiyyətdə və fasiləsiz olaraq çatdırılıb.
Qeyd edək ki, Azərbaycanın “Azerspace-1” və “Azerspace-2” telekommunikasiya peykləri Afrika qitəsini əhatə etməklə qitənin 2/3 hissəsinə internet və yayım xidməti göstərir. Bu xidmətlər Azərkosmos və “Globecast”, “İKO Media”, “Telemedia”, “Bagira Group” və bu kimi digər qlobal media şirkətləri ilə əməkdaşlıq sayəsində təqdim olunur.
“Azərkosmos” gələn il fevralda keçiriləcək “Beynəlxalq Kosmik Konvensiya 2024”də iştirak edəcək
Ölkənin informasiya təhlükəsizliyi və kibertəhlükəsizliyə dair Strategiyası təsdiq olunub - SƏRƏNCAM
Azərbaycan “Digitalisation and Channel Awards 2023” mükafatlandırılma mərasimində təmsil olunacaq
“Google” şirkətinin Bakı konfransına 1000-dən çox müraciət qeydə alınıb