Ağdaş, 25 yanvar, AZƏRTAC

Ağdaşda kənd təsərrüfatı iqtisadiyyatın aparıcı sahəsidir və ötən il rayonda məhsul istehsalının ümumi həcmi əvvəlki illə müqayisədə 13,6 milyon manat artaraq, 166,6 milyon manata çatıb.
Rayon Statistika İdarəsindən AZƏRTAC-ın bölgə müxbirinə verilən məlumatda bildirilib ki, 2021-ci ildə bitkiçilik sahəsində məhsul istehsalı 9,1 milyon manat artaraq, 66,6 milyon manat olub. Heyvandarlıq sahəsində isə artım 4,5 milyon manat təşkil edib və bu sahədə istehsal 100 milyon manata çatıb.