MDB ölkələrinin diabet problemləri üzrə Ekspert Şurasının iclası mayın 17-də Minskdə keçiriləcək
Bakı, 16 may, AZƏRTAC
Müstəqil Dövlətlər Birliyinin üzvü olan ölkələrin diabet üzrə Ekspert Şurasının iclası mayın 17-də MDB-nin Minskdəki mənzil-qərargahında videokonfrans formatında keçiriləcək.
AZƏRTAC MDB İcraiyyə Komitəsinin mətbuat xidmətinə istinadla xəbər verir ki, iclas iştirakçıları 10-a yaxın məsələni müzakirə etməyi planlaşdırırlar. Xüsusilə, Ekspert Şurasının üzvləri əvvəl qəbul etdikləri qərarların və 2016-2020-ci illər üçün şəkərli diabetin qarşısının alınması və müalicəsi üzrə əməkdaşlıq Proqramının icrasını yekunlaşdıracaqlar.
İclasda şəkərli diabet olan insanların COVID-19-a qarşı vaksinasiyası, dövlət registrlərinin təşkili və şəkərli diabet üzrə dövlət statistika hesabatlılığı sistemləri məsələlərinə baxılacaq. Qazaxıstan nümayəndələri şəkərli diabet olan xəstəyə tibbi yardımın göstərilməsi üzrə xərclərin qiymətləndirilməsi təcrübəsini bölüşəcəklər.
Bundan əlavə, Ekspert Şurasının üzvləri MDB ölkələrinin səhiyyə sahəsində əməkdaşlıq Şurasının növbəti iclasının gündəliyi layihəsinə daxil edilməsi üçün təklifləri razılaşdırmaq, bir sıra digər məsələlərə baxmaq niyyətindədirlər.
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar