Bakı, 25 yanvar, AZƏRTAC

Ötən il kompüter, elektron və optik məhsulların istehsalı artıb.
AZƏRTAC Dövlət Statistika Komitəsinə istinadla xəbər verir ki, 2020-ci ildə kompüter, elektron və optik məhsulların, elektrik avadanlıqlarının istehsalı sahələrində 234,7 milyon manatlıq məhsul istehsal olunub. Əvvəlki illə müqayisədə kompüter, elektron və optik məhsulların istehsalı 34,5 faiz, elektrik avadanlıqlarının istehsalı isə 9,6 dəfə artıb.
Hesabat dövründə 2019-cu ilə nisbətən avtomatik tənzimləmə və idarəetmə üçün cihaz və aparatların istehsalı 2,1 dəfə, 1000 V-dək gərginlik üçün hesablanmış elektrik cərəyanı naqillərinin istehsalı 2 dəfə çoxalıb.