Ağcabədi, 25 noyabr, AZƏRTAC

Ağcabədi rayonunun fermerləri şəkər çuğunduru yığımını davam etdirirlər.
Ağcabədi Dövlət Aqrar İnkişaf Mərkəzindən AZƏRTAC-ın bölgə müxbirinə bildiriblər ki, torpaq mülkiyyətçiləri bu il 432 hektar sahədə şəkər çuğunduru səpini həyata keçiriblər. Ağcabədili fermerlər bu günədək sahələrin 380 hektarında yığım aparıb, 15 min 501 ton məhsul əldə ediblər. Hər hektarın orta məhsuldarlığı 408 sentnerdir. Yığılan məhsul İmişli şəkər zavoduna təhvil verilir.
Qeyd edək ki, vacib texniki bitki hesab edilən şəkər çuğundurundan həm şəkər istehsalı üçün, həm də heyvandarlıqda yem kimi istifadə olunur.