Zaqatalada indiyədək 8 min hektardan çox sahədə payızlıq səpin aparılıb
Zaqatala, 19 noyabr, Mustafa Dadaşov, AZƏRTAC
Zaqatala rayonunun təsərrüfatlarında gələn ilin məhsulu üçün payızlıq dən bitkilərinin səpini davam edir. Torpaq mülkiyyətçiləri indiyədək 5 min 214 hektarı buğda, 2 min 810 hektarı arpa olmaqla, 8 min 24 hektar sahəyə toxum səpiblər. Cari mövsümdə rayonda 2021-ci ilin məhsulu üçün 11 min hektar sahədə payızlıq dən bitkilərinin səpini proqnozlaşdırılır.
Bu barədə AZƏRTAC-ın bölgə müxbirinə Zaqatala Dövlət Aqrar İnkişaf Mərkəzinin bitkiçilik sektorunun müdiri Vaqif Şabanov məlumat verib.
Qurum rəsmisi bildirib ki, payızlıq dənlilərin səpini üçün indiyədək təsərrüfatlarda 9,6 min hektar sahədə şum qaldırılıb, toxumçuluq təsərrüfatları tərəfindən 1500 tonadək yüksək reproduksiyalı toxum fondu yaradılıb. Eyni zamanda, fermerlər səpin üçün lazım olan keyfiyyətli və sertifikatlaşdırılmış toxumları “Aqroservis” ASC-nin rayon bölməsindən və digər toxumçuluq təsərrüfatlarından da əldə edirlər.
Sektor müdirinin sözlərinə görə, təsərrüfatlarda qarğıdalı yığımı isə artıq yekunlaşmaq üzrədir. Bu il rayonun torpaq mülkiyyətçiləri 3 min 536 hektar sahədə qarğıdalı bitkisi yetişdiriblər. İndiyədək rayonda 19 min 970 ton dən qarğıdalı istehsal olunub. Hər hektardan orta məhsuldarlıq 56,4 sentner təşkil edir.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb