Ucarda payızlıq taxıl əkini davam edir
Ucar, 19 noyabr, AZƏRTAC
Ucar rayonunda payızlıq taxıl əkini davam edir və indiyədək 6088 hektarda səpin aparılıb.
Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, cari mövsümdə gələn ilin məhsulu üçün 11,5 min hektarda taxıl səpini nəzərdə tutulub. Taxılçılıqla məşğul olan fermerlər və fiziki şəxslər hər gün sahələrə 30-dan çox texnika çıxarırlar. Rayonun əksər ərazilərində, xüsusilə Müsüslü, Yuxarı Şilyan, Qazqumlaq və bir sıra digər ərazi dairələrində bu mühüm kampaniya daha mütəşəkkil aparılır.
Qeyd edək ki, taxılçılar ilkin əkin aparılan sahələri suvarırlar. Bir sıra ərazilərdə əkinlərə çıxış suyu da verilir. Rayonun su təchizatı Yuxarı Şirvan kanalından, habelə Göyçay və Türyançay çaylarındandır. Bölgədə indiyədək 1046 hektar sahə suvarılıb və bu mühüm tədbir davam etdirilir.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb