Azərbaycan Gürcüstanın əsas təbii qaz tədarükçüsüdür
Tbilisi, 6 iyun, AZƏRTAC
Gürcüstan Rusiyadan aldığı təbii qazın həcmini artırsa da, Azərbaycan bizim strateji təbii qaz tədarükçümüz olaraq qalır.
AZƏRTAC xəbər verir ki, bu sözləri Gürcüstanın İqtisadiyyat və Dayanıqlı İnkişaf naziri Natia Turnava parlamentin komitə iclasında söyləyib.
Nazir bildirib ki, 2019-cu ildə Gürcüstan idxal etdiyi qazın yalnız 7 faizini Rusiyadan alıb. Qalan həcm isə Azərbaycandan alınıb. Rusiyadan alınan təbii qazın həcmi az olsa da, bunun rəqabət baxımından müsbət təsirləri var. Builki idxal həcmi 2019-cu ildəki kimi olacaq. Lakin rəqabət təbii qaz bazarında, xüsusən də topdan satış bazarında qiymətlərin aşağı düşməsinə səbəb olacaq.
Qeyd edək ki, N.Turnava iyunun 5-də parlamentinin iqtisadi məsələlər üzrə komitəsinin üzvləri ilə görüşüb. Üç saata yaxın davam edən görüş mətbuat nümayəndələri üçün qapalı olub.
Xatırladaq ki, Gürcüstanın cari il üzrə yenilənən təbii qaz idxalı proqnozuna əsasən, Rusiyadan 200 milyon kubmetr qaz idxal edəcək. Bu isə əvvəlki proqnozdan 30 milyon kubmetr çoxdur.
Xətayi Əzizov
AZƏRTAC-ın xüsusi müxbiri
Tbilisi
Azərbaycan İtaliyada keçirilən “Macfrut” sərgisində iştirak edir
Mərkəzi Bankda sığorta sektorunun inkişaf perspektivləri müzakirə olunub
SOCAR-ın birinci rübdə ixrac etdiyi neftin həcmi açıqlanıb
Nazir müavini: Bolqarıstan şirkətləri Azərbaycanın əsasən qeyri-neft sektoruna sərmayə yatırıblar
Bu ilin birinci rübündə SOCAR-ın qazma işlərinin həcmi azalıb