Nazir müavini: Bolqarıstan şirkətləri Azərbaycanın əsasən qeyri-neft sektoruna sərmayə yatırıblar
Bakı, 8 may, AZƏRTAC
Azərbaycan ilə Bolqarıstan arasında müxtəlif sahələrdə əməkdaşlıq haqqında 65 sənəd imzalanıb.
AZƏRTAC xəbər verir ki, bu sözləri iqtisadiyyat nazirinin müavini Sahib Məmmədov Bakıda keçirilən Azərbaycan-Bolqarıstan biznes forumunda çıxışı zamanı deyib.
O bildirib ki, Azərbaycanda investorlar üçün münbit şərait yaradılıb.
“Hazırda Azərbaycanda 15 Bolqarıstan şirkəti fəaliyyət göstərir. Onlar əsasən qeyri-neft sektoruna sərmayə yatırıblar”, - deyə nazir müavini əlavə edib.
S.Məmmədov qeyd edib ki, Azərbaycan ilə Bolqarıstan arasındakı münasibətlər strateji xarakter daşıyır: “Bunun nəticəsidir ki, hər iki ölkə nəqliyyat və tranzit sahələrində də əməkdaşlıq edəcək. Biz Bolqarıstan şirkətlərini Qarabağın bərpa olunmasında iştirak etməyə dəvət edirik”.
“Türk Hava Yolları” 2033-cu ilədək olan inkişaf planlarını açıqlayıb
“Rusiya – Azərbaycan” dəyirmi masası və ikitərəfli görüşlər keçirilib
Cevdet Yılmaz: TDT üçüncü dövlətlərin əməkdaşlıq etmək istədiyi güclü təşkilata çevrilib
Nazir: Türk İnvestisiya Fondu beynəlxalq təcrübəyə uyğun fəaliyyət göstərəcək